Photo copyleft Jafrikayiti: @ Piramid Farawon Djozè, KMT (Lejip), 10 oktòb 2006

DESSALINES VIVAN ! 17 OKTOB (1806-2006) Defile Manman "Chimè"? Adye Bondye! Nèg yo touye Dessalines. Yo touye papa libète nou yo wete inifòm Lanperè sou li yo depatcha zepolèt li yo rache dwèt men li pou yo vòlò bag li. Yo voye kout manchèt adwat, kout manchèt agòch. O graslamizèrikòd! Men y ap trennen kadav Papa Nanchon an, tankou yon vye sak ranyon, yo lage li nan mitan lari Pòtoprens pou moun anraje voye wòch sou li, krache sou li, dezonore li. O mezanmi gade yon krim san parèy! Men kadav Lanperè blayi, tankou kakas bèt ki mouri mò aksidan machin sou gran chimen. Depi gwo solèy midi, kò li la l ap deperi. Men solèy pral kouche li la toujou, nan mitan lari a. Anfen ! Men yon Ayisyen ki sonje ki kalite san k ap koule nan venn li. Men yon Ayisyen ki nan nòmal li. Men yon fanm, ansasen yo, dechoukè yo, anraje yo pral konsidere kòm yon fanm fòl nan listwa. Yon fanm ki gen fyèl parèt demendepye devan kadav Lanperè. Li bese, li ranmase sa ki ka ranmase li benyen kò Papa Dessalines, li beni li, li kriye sou li. Wi! mezanmi, jou 17 oktòb 1806 sa a, yon sèl Ayisyen ki pat pèdi bonnanj li, yon fanm vanyan ki rele Defile te monte nan tèt Mònatif al antere Lanperè Jean-Jacques Dessalines, papa libète nou. Mèsi Défilé, daprèzavwa, lè lamajorite te fin pèdi lòlòj yo, oumenm sèl, ou te tèm pou ou sove lonè Lanperè. Jafrikayiti Oktòb 2004

---

RESTITISYON ! (petisyon an Kreyòl)

---

KOB Records ak Pwodiksyon Jafrikayiti kontan anpil pou yo pataje ak ou yon liv tou nèf (2 CD marasa) Jafrikayiti batize:

Lafimen: Listwa Pèp Ayisyen depi nan Ginen

Seri pwodiksyon “Lafimen: Listwa Pèp Ayisyen depi nan Ginen” an se yon anrejistreman odio pwofesyonèl ki layite listwa Pèp Ayisyen an yon mannyè ki kòrèk opwendvi istorik, epitou trè orijinal.

Otè a pa mande padon daprèzavwa li se yon Ayisyen k ap rakonte listwa zansèt li, nan lang Kreyòl.

Achte kopi pa ou jodi a menm.

Anverite, ou pap regrèt ! !